#OnTheJob (OTJ)

Genre: Action, Drama

MTRCB Rating: R-16 (Ang pwede lang manood ng pelikulang ito ay ang may edad na 16 pataas. Wag nang makulit please!)

Chicco's Rating: 9.896/10

Action! Well, this is my least favorite genre except yung mga gawang Hollywood. Napansin nyo din ba na tumamlay na ang ating mga Pinoy action Films? Dati sikat na sikat pa sina Jeric Raval, Victor Neri, Ronnie Ricketts at ang Diaz Clan na sina Joko, Pacquito at Romy sa paggawa ng action films.

Baket nga ba ndi ko bet masyado ang mga ganitong films? Kasi naman, pare-parehas na lang ang plot at ang fight scenes. Ebidensya ba kamo?

1. Kapag ang mga goons binabaril ang bida, hindi tumatama. Kapag ang bida ang bumaril, may patay agad.

2. Nauubusan lagi ng bala ang baril ng bida. Pero for sure may mapupulot syang baril na unlimited ang bala. Kaloka!

3. Description ng leader sa kanyang mga goons kapag hindi nahuli ang bida, "MGA INUTIL!!!" Hahahahhahahah!!! 

4. Laging mag-uusap ng pasigaw ang bida at kontrabida habang nagtatago sa isa't isa at nakasandal sa pader.

5. Ang classic na napatay na lahat ng goons, nailigtas na ang nakidnap, inaakay na ng leading lady ang bida, sabay dadating ang kapulisan. Para san? Well, kailangan silang lumabas bago ang end credits... Hahahhahahha... At marami pang iba! (Comment nyo kapag may naisip pa kayo.)

Ngayon, having said all that, baket antaas ng rating ko sa pelikulang ito? Well eto nga!

Story:

Ang movie ay umikot sa buhay ng 4 na lalaki: sina Tatang, isang inmate na kinokontrata ng mga politiko at military men na pumatay ng mga tao sa labas ng kulungan; si Daniel, kakosa, back up at sinasanay ni Tatang na pumalit sa kanya; si Francis, isang NBI agent na manugang ng isang politiko na may kinalaman sa paghahire kila Tatang; at si SPO1 Acosta, isang righteous na pulis na sinusubukan iresolve ang kaso patungkol sa mga nagaganap ng patayan. Dito pa lang ay makikita na naten pagkakatahi-tahi at pagkakakonekta ng kanilang mga buhay. Ano nga ba ang dahilan nina Tatang at Daniel sa kanilang ginagawa? Panu nila nagagawa ang kanilang trabaho habang nasa kulungan sila? Ano ang ginawa ni Francis para itama ang maling ginagawa ng kanyang Father-in-law? Mareresolve kaya ni Acosta ang mga krimen? Ayan na nga ang dapat na abangan sa movie na ito. Showing na sya kahapon August 28 sa inyong mga suking sinehan.

Cast:

Pinagbibidahan nila Piolo Pascual, Gerald Anderson, Joey Marquez at Joel Torre. Well, ano pa nga ba ineexpect naten kay Joel Torre kundi perfection? Feeling ko nga eh paglabas nya pa lang sa mundo eh umaarte na sya. Actually as a baby, ndi talaga sya umiyak paglabas nya sa sinapupunan, umarte lang sya na umiiyak. Ganun sya kagaling. Lalo na ang maang-maangan acting nya dito sa movie. Very Remarkable. Si Joey Marquez naman, akala ko eh magpapatawa lang para balanse ang movie pero hindi. Lumaban talaga sya sa aktingan at napakaeffective nya as pulis. Samantala, si Gerald naman ay dati na akong napabilib sa ng kanyang acting skills. From Tayong Dalawa pa lang sa TV at Budoy eh makikita na ang pagkakaiba ng kanyang characters. At dito sa movie, mukha at asal syang preso talaga. One more thing, mananawa kayo sa kanya sa "P*t#ng$na!!!" Parang hobby na nya ang pagmumura. Hahahhaha. Siyempre, si Papa P. naman eh subok na sa mga ganitong aktingan.  Kapani-paniwala sya as a Policeman. Isa sya sa Philippine Industry na may depth ang arte, yung alam mo na alam nya kung ano yung role na ginagampanan nya. Ganun! Walang daya ang arte. Winner. Sa kabilang dako, at nasabi ko na dati, na sayang-saya ako lagi kapag may mga supporting cast na agaw eksena. To name a few, si Rossana Roces na wala pa atang 5 minutes ang role pero akting na akting at nakakaaliw, si Shaina na may daring na love scene, ang baguhang si Dawn Jimenez na partner ni Gerald na tinodo agad... Kala ko pasweet pero boom, breast exposure agad... Very raw ang akting kaya may future ang batang yan, si JM De Guzman naman as anak ni Joey Marquez na sana eh mahaba ang exposure, si Angel Aquino at Empress na effective ang support sa role as kapamilya ni Tatang, at ang mga batikan na sa industriya tulad ni Leo Martinez, Michael De Mesa at William Martinez, Winner lahat. Walang maliit na role sa artistang magaling umarte talaga. Yun lang.

Eto nga! Good job kay Erik Matti na director ng movie na ito. Maganda ang pagkakagawa kahit karamihan sa shots eh parang Indie film, madilim. Pero nakatulong nga ito para mas maging makatotohanan ang mga shots. Nagsimula na nga na gumawa ng pangalan sa foreign film festivals ang movie na ito. Isa na nga jan ang Cannes. Taray.. Pangmayaman. May balak din na kunin ang story at iremake sa US sa pangunguna ni Matt Damon.. Oh taray ulet! Masasabi kong maganda ang movie dahil hindi tipikal na action film. Wala yung mga clichès na sinabi ko sa taas. Matapang ang story at first time ko lang mapanuod ang ganitong paksa sa movie. At the end ng movie, nagpalakpakan ang mga tao na hindi madalas mangyari sa  isang Ayala Cinema. Yun lang...

All in all, masasabi ko na Must see ang movie na ito. Siguradong maeenjoy nila tatay, tito, kuya, Mang Boy at Mang Raul. Para naman sa gusto ng makabuluhan na movie, for sure, maeenjoy nyo din to.. Salamat sa Star Cinema at nakakapagpalabas pa ng mga ganitong movies na may sense. Very good tayo jan.. Yun na!

Disclaimer: 

Ang mga litrato sa blogsite na ito ay hindi ko pagmamay-ari at nakuha ko lang sa web. Alangan naman na may picture talaga ako ni Jeric Raval diba? Pwede ba... Hahahahha...

Acknowledgements:

Wingmen Unite

Team Halo especially kay Jhen at Albina

KFC

Sparklingtots

Macko and Alex

Taters

#InstantMommy

Genre: Comedy, Drama

MTRCB Rating: PG-13 (Pwede sa mga batang manunuod na may edad 13 pababa basta kasama si pudra or mudra  sa sinehan.)

Chicco's Rating: 7.11/10

Well, let me start by telling you the background of the film. Ang Instant Mommy ay isa sa kalahok sa katatapos lang na Cinemalayà Film Festival na ginanap sa Cultural Center of the Philippines at sa ilang Ayala Cinemas. 

Medyo nahihilig nadin ako sa mga indie films. Kahit minsan eh puro bulaklak or bundok or eskinita ang tinututukan ng camera eh sa mga ganitong uri ng pelikula ka makakakita ng totoong kwento ng buhay... Ilan sa mga pinag-usapan at nakilalang Indie Films ay Ang Pagdadalaga ni Maximo Oliveros, Kubrador, Bwakaw at Ang Babae sa Septic Tank. Ang mga pelikulang ito ay hindi masyado napansin sa Pilipinas pero nakapagdala ng karangalan sa mga International Film Festival. Ayan tayo eh! 

Ang last na nga na Indie Film na naipalabas sa main stream ay ang Ekstra ni ate V na lumahok din sa Cinemalayà 2013. Eto na nga! Balik tayo sa Instant Mommy. One of the producers ng movie eh si Kris Aquino. Kahit naman ako kasi, sabi ko nga sa sarili ko, kung may pera lang ako eh ipagpoproduce ko talaga ng movie tong si Eugene Domingo na sya ngang bida sa pelikulang ito. Ano nga ba ang nangyari sa movie? Well, this is it!

Story: 

Kwento ito ni Betchayda, isang wardrobe assistant sa mga TV commercials. Meron syang jowa na hapon na nakabase sa Japan, si Kauru. Napag-alaman ni Betchay na nagbunga ang pagmamahalan nila ng minsan ay bumisita si Kauru sa Pinas. Ang gusto ng hapon eh tumigil na sa pagtatrabaho si Betchay pero dahil siya ang bread winner sa pamilya eh hindi nya ito magawa. Sa stress ng trabaho, very unfortunate naman na nakunan si Betchay. Sa takot na iwanan siya ng jowang hapon, may ginawa syang paraan para maitago ang nangyari at mapanatili ang kanilang relasyon. Ano kaya ang kanyang ginawa? Nakalusot naman kaya sya sa pagtatago nya ng katotohanan? Saan hahantong ang tagpong ito? Malalaman nyo yan simula August 28, dahil showing na ang Instant Mommy nationwide.

Cast:

Ayun na nga! Pinagbibidahan ni Eugene Domingo na alam ng mga malapit saken na fan na fan ako. From her role as Simang sa Sa Dulo ng Walang Hanggan, Lorelie sa Marina, Rowena sa Tanging Ina Series, Kimmy at Dora Go Dong Hei, as herself sa Babae sa Septic Tank, up to her last movie as Fiesta sa Tuhog, nasubaybayan ko talaga yan lalo na ang transformation nya.. Siguro, masyado lang talaga ako naattach at bumilib sa Kimmy Dora kaya medyo nabitin ako sa patawa sa movie na eto. Medyo nalito lang ako siguro kung mas comedy ba dapat ang film o mas drama. On the other hand, effective nya naman nagampanan ang role na Betchayda. Makikita nyo ang difference ng characters nya sa iba pa nyang roles. At yun ang magaling na artista. Hindi lang yung andami ngang movies pero same ang arte.. Diba? Samantala, Kauru was played by the Japanese Hollywood actor Yuki Matsuzaki.. Hindi sya basta-basta. Isa sya sa cast ng Pirates of the Carribean: On Stranger Tide. Feeling ko naman eh hindi sya nahirapan na gampanan ang role nya bilang, well, Japanese.. Nakakaaliw lang kasi game na game sya sa lahat ng guesting nila para sa promotion ng movie. Mahuhusay naman individually ang ibang supporting casts at cameo. Kapatid nya sa movie si Nicco Manalo na bihasa na sa teatro at indi films at junaknak ni Jose Manalo, who would have thought? Samantalang, tatay nya naman si Rico J. Puno na inferness, bagay sila magtatay. Yun na...

All in all, and this is a warning na din, hindi Kimmy Dora levels ang comedy factor ng movie na ito so wag masyado magexpect. Again, magaling si Eugene pero hindi din Septic Tank Levels. Maeenjoy nyo pa din naman dahil kahit simple ang storya eh matino naman ang arte ng mga characters. Kung bet nyo naman itry ang mga Indie Films, good choice ito... There you have it!

Disclaimer:

Ang mga pics sa blogsite na itechiwa ay hindi ko pagmamayari at nakuha ko lang sa web. Karamihan actually ay mismong website ng Cinemalayà... Thanks... (Yes, that's me!)

 Acknowlegements:

Macko

Cinemalayà

Cultural Center of the Philippines

Legaspi Towers 300 for our accommodation

#AngHulingHenya

Genre: Action, Comedy

MTRCB Rating: PG-13 (Lahat ng batang may edad na 13 years old pababa ay kinakailangang may kasamang thunder bolt kapag pinanuod ang movie na ito!)

Chicco's Rating: 5.54/10

Isa sa favorite part ko kapag nanonood sa sinehan eh ang mga trailers.. Syempre nga naman, sa trailers malalaman kung anu ang mga upcoming movies ang mga dapat abangan. Recently lang, while waiting sa movie na papanuodin namen, nagulat ako at biglang naitrailer etong Ang Huling Henya kahilera ng mga Holloywood films.. Dahil na rin sa ang bida eh si Ruffa Mae Quinto eh talagang tinutukan ko ang trailer at hindi naman ako nabigo... Sobrang natawa ako!! Nagbalik sa aking ala-ala ang mga pelikula nya dati na Booba at Masikip sa Dibdib na in all fairness talaga eh dalawa sa pabirito kong local comedy films na walang sense masyado ang story pero nakakatawa. Dahil dito, naexcite ako lalo sa Ang Huling Henya, especially na noong Bday ko pa 8/21, ang showing date... 

At eto na nga, pinanuod na namen at isa lang ang nasabe namen lahat after ng movie, "ANYARE????!!!!????" 

Story:

(Honestly, hindi ko naintindihan... LOL!! Pero parang...) Kwento ito ni Miri, isang henyang special agent na may malungkot na nakaraan.. Anak sya ng mga scientist na nakaimbento ng isang machine na nakakakuha ng memory ng isang tao at maaari namang iupload sa utak ng iba pang living organisms.. (Ayun ata yun or something to that effect, haha!) Tinangka ng isang grupo na tinatawag nilang "Agency" na nakawin ang imbensyon at gamitin sa masama.. Habang nasa liblib na camp site sila ay inatake sila ng mga miyembro ng Agency at nagkaron ng engkwentro at sumabog ang van kung saan na dun ang magasawa... Naulila si Miri at ang kanyang kapatid at lumaki na nga sya na sinusubukang tugisin ang Agency.. Basta dun umikot ang story...

Cast:

Ayun na nga! Pinagbibidahan ni Ruffa Mae Quinto as Miri.. Hindi ko alam kung anu ang nangyari sa kanya.. Kulang na kulang ang patawa nya.. May mga banat sya as normal na Ruffa Mae kaya nakakatawa pero biglang balik sa serious na henya-henyahan.. Hindi talaga effective.. Sayang.. Pati mismo sya siguro eh hindi naiintindihan ang istorya kaya ganun sya.. Nakakaloka...  Samantala, isa ito sa mga pelikula na pwedeng entry sa Best in Cameo Awards.. Kasi ba naman nasa movie sina Solenn, John Lapuz, IZ Mendoza, Diego, Babaji at Moymoy Palaboy ng Bubble Gang, Marvin Agustin, at ang  mga totoong henyo na sina Shaira Luna, Jessica Zafra at Miriam Defensor Santiago (kunwari!) at madami pang iba.. Pero again, sayang lang.. Nakaapekto kasi ang Indie Film na vibe ng pelikula.. Actually, ndi ako sure kung indie film nga sya pero ang dilim talaga nung movie... On the lighter side, nagalingan naman ako sa mga supporting casts.. Mas nakakatawa pa si Candy Pangilinan kesa sa bida... Akting na akting naman sina Ricci Chan at Ayen Laurel sa kani-kanilang eksena.. Ang galing nila bilang teatro ang background nila pero again nasayang lang ulet... Nga pala, ang subtitle ng movie na ito ay, Ang Zombie Movie na may Puso. So may mga zombies sya pero feeling ko eh walang konek sa story.. Nakakapoot... Hahahhaha...

All in all, high hopes sa simula, bored habang pinapanuod at nalungkot lang ako after ng movie.. This movie is directed by Marlon Rivera na sya ring nagdirect ng Babae sa Septic Tank.. kaya lalong nakakadisappoint... Wait nyo na lang ang TV premier neto.. Baka mga next month palabas na.. Hahahah... Next!!!!!!

Disclaimer: 

Ang mga pictures sa blogsite na ito at hindi ko pagmamay-ari at nakuha ko lang sa web... Lalo naman tong isang 'to!!!

Acknowledgements:

[24]7 Inc. for my new Samsung Galaxy S4

Macko, Alex and Law

Yabu, The House of Katsu

Uniqlo

#TheMortalInstruments : City Of Bones

Genre: Action, Adventure, Fantasy, Drama, Thriller (Lahat-lahat na!!!)

MTRCB Rating: PG-13 (Lahat ng batang may edad na 13 years old pababa ay kinakailangang may kasamang thunder bolt kapag pinanuod ang movie na ito!)

Chicco's Rating: 8.0037/10

Usong-uso ang mga movie adaptations ng mga best selling novels... Siyempre nga naman kapag bumenta ang libro eh malamang na madaming manonood kapag ginawa na silang movie.. Para saken, naeexcite ako sa mga ganitong movies especially kapag nabasa ko yung book.. Sa movie kasi maisasabuhay ang dati eh iniimagine ko lang na istura ng mga chracters at setting ng istorya habang nagbabasa.. Ilan sa mga patok na movies na may ganitong tema ay ang personal all-time favorite kong Harry Potter series, ang controversial na Twilight Saga, ang unli-special effects na Lord of the Rings Trilogy, ang mga pasweet na Chick Flicks na A Walk to Remember, Message in a Bottle, The Notebook at iba pang kakaiyak at kakainlove na novels ni Nicholas Sparks, at ang huli nga eh ang tumabo sa takilya na Bakit Di Ka Crush ng Crush Mo??? Wow!! Ang taray ng levelling!!! 

Eto na nga!!! May isa na namang movie adaptation ang kamakailan eh nagshowing na.. Ang Mortal Instruments: City of Bones...

Story:

Ang setting ng movie na ito ay sa New York City.. Umiikot ang kwento kay Clary, isang pangkaraniwang teenager na nakasaksi ng patayan sa isang club. Ang ipinagtataka nya eh parang siya lang ang nakakita ng krimen. Hanggang sa binulabog na nga sya ng sunod-sunod na pangyayari na may kinalaman sa kanyang tunay na pagkatao. Umuwi sya sa kanilang bahay at na

nalaman na ang kanyang mother dear ay kinuha ng masasamang loob. Matutuklasan nyang siya pala, kaparis ng kanyang ina, ay isang Shadowhunter, mga half na angel at half na tao na nagpoprotekta sa sambayanan laban sa mga puwersa ng kasamahan.. Taray diba? Anlakas makaNational Heroes Day! Tutulungan naman sya ni Jace, isa ring shadowhunter, at hindi nya nga naiwasan na mafall sa binata... Wow, mafall!!! Ayun na nga! Baket nga ba nakidnap ang kanyang ina? Anu ang nakita nya sa club at baket sya lang ang nakakita ng patayan? Ano ang Mortal Instrument at ano ang kinalaman neto sa storya? Baket tattooan ang mga bida?? Well, ayan ang malalaman nyo kapag napanuod nyo ang movie...

Cast:

Pinagbibidahan nina Lily Collins as Clary na gumanap na Snow White sa movie na Mirror Mirror at ni Jamie Bower bilang Jace, gumanap na batang Grindelwald sa Harry Potter And the Deathly Hallows Part 1 at bilang Caius na member ng Volturi sa Twilight Saga. Anlakas lang makaDaniel Padilla nung aura ni Jamie Bower.. Yung sa simula eh kala mo pangit at payat pero habang tumatagal eh kinukurot na ang puso mo. Si ate Lily naman eh tatlong kilo pa din kilay sa movie na ito.. Malaking break talaga sa kanilang dalawa 'to dahil as of the moment, Who The Hell artists pa din sila. Sana nga sumikat sila sa movie na'to at masundan ng kasunod. Syempre, madami pang casts pero hindi ko sila kaclose lahat kaya keber na! Huwag ng pagtuunan ng pansin.. 

Ayun na nga! Medyo nakakapressure din siguro sa casts and makers ng Mortal Instruments dahil ang sinundan nilang film na may kaparehas na tema ay ang Percy Jackson: Sea of Monsters na infernes naman eh tinangkilik ng mga fans. Tulad nga ng sinabi ko, ang kritikal sa mga ganitong movies eh yung characterization at production design. Kapag malayo ang naimagine ng mga nakapagbasa dun sa nasa movie eh epic fail na. Honestly, sinimulan ko basahin yung book pero nabore ako hanggang sa naipalabas na nga yung movie. Bilang romantic movie naman, hindi ako kinilig sa mga bida. Hindi solid ang chemistry. Patungkol naman sa production value, maganda naman yung film pero dahil naitodo na ng Harry Potter at Lord of The Rings ang mga effects eh naging puchu-puchu etong movie. Sa story wise, promising naman sya. Kung fan kayo ng Twilight, Harry Potter, Vampire Diaries and the likes, eh maeenjoy nyo 'to dahil inincorporate na nila lahat dito sa film na ito. Todo na!

All in all, kung fan ka nung book eh tiyak na hindi mo ito dapat palampasin. As a movie alone, tolerable naman sya at feeling ko eh hindi na din sayang sa pera. Maganda sya pero sabi nga madalas ni Randy Jacson sa American Idol, "I am not jumping up and down!" Pak! Yun na!

Disclaimer: 

Hulaan nyo?

Tama! Ang mga pictures sa blogsite na ito ay hindi ko pagmamay-ari at nakuha ko lang sa web. Thanks Spiderman.

Acknowledgements:

Macko

Cash and Carry Cinemas

Baliwag Lechon

Makati Medical Center

Auxbeat Dance Company, for including C.IN.E.MO on the landing page of the Auxbeat Website

#Planes

Genre: Adventure, Computer Animation

MTRCB: Rated G (Pwede sa lahat ng manunood!)

Chicco's Rating: 8.78/10

Bukod sa mga horror films, paborito kong panuodin ang mga Computer Animated movies... Ilan sa mga bet na bet at walang sawa kong pinapanuod ko ay ang The Incredibles, Finding Nemo, at syempre ang Toy Story Trilogy na talaga nga namang bentang-benta mapabata man o matanda. Ang kinagandahan ng mga ganitong klaseng pelikula ay ang mga tema at mga kakaibang mundo na ginagalawan ng mga bida. Bukod sa pinagkakagastusan ang mga ito, ginugugulan din ng maraming taon ang paggawa ng mga Computer Animated Films. Isa sa mga bihasa sa paggawa ng mga ganitong pelikula ay ang Pixar na siyang gumawa sa mga pelikulang aking nabanggit. Samantalang ang pinakamalaking production company naman ay ang Walt Disney na siya ding gumawa ng movie na ating irereview... Eto na nga! Ang Planes!

Story:

Sa title pa lang eh alam nyo na siguro kung sino ang mga bida sa movie na ito? Tama! Mga iba't ibang uri ng eroplano. Ang pangunahing character ay si Dusty Crophopper, isang pangkaraniwang eroplano na tagasaboy ng parang pataba sa isang corn field.

Pangarap ni Dusty na maging isang racer at sumali sa isang race na nilalahukan ng mga high-end at sosyal na racer planes from around the globe.. Ang matinding problema: si Dusty ay acrophobic.. Yes! Takot sya sa heights.. Nakakaloka diba? Eroplanong may fear of heights.. Panu nga ba sya makakasali sa race? Sinu-sinu ang mga tutulong sa kanya para makamit nya ang kanyang pangarap? Ano ang mga kakaharaping nyang unos at paghihirap para makuha ang kanyang mithi? Baket parang Linggo ng Wika??? Yan ang matutuklasan nyo kapag nanuod kayo ng ng movie.

Cast:

Wala akong kilala sa mga nagboses. Isa pa, ano naman ang pakialam naten sa kanila? Basta nabigyan nila ng buhay ang mga characters eh ok na yun... Diba?

Ayun na nga. Nagenjoy naman ako sa movie. Feel good movie sya kung baga. Hindi ka na kailangang mag-isip masyado habang nanunood ka. Syempre, ang target audience ay mga bata. Sigurado naman akong matutuwa sila dahil makulay ang mga characters, nakakatawa at makukulit.

Hindi man sya katulad ng Toy Story at Finding Nemo na may kurot sa puso, sa bandang huli ay may aral ding mapupulot. Memorable sakin ang isang line ni Dusty. Sabi nya, "Maybe, just maybe, I can do other great things aside from what I am built for!" Paaaaaaaak!!! Tama din eh no?!? Haha.

All in all, maganda tong pangbonding ng family.. Kung plano nyong ilabas ang pamilya nyo, yaman din lamang na umalis na si Bagyong Maring, eh sakto ang movie na ito. Simple lang ang story kaya maiintindihan ng mga bata at may comedic relief din naman kaya ok din sa mga matatanda.. GV GV lang, ika nga! Yun na! 

Disclaimer ulet: Ang mga pictures sa blog na ito ay hindi ko pagmamay-ari at nakuha ko lang sa web.. Maliban dun sa last pic na may poging lalaking nakathumbs-up... Keri?

Acknowledgements:

Macko

Kenny Rogers Roasters

Power Plant Cinemas

Payless Shoesource

Achi Ichiban

Julia Baretto, Judda Paulo at Erwan Heusaff na nakasalubong ko

At kay Lystra Monica Gilhang, a college friend na nakasalubong ko din

#TheConjuring

Genre: Horror, Thriller, Suspense, Family

MTRCB Rating: R-13

Chicco's Rating: 9.5/10

At eto na nga ang trending na pelikula ngayong buwan ang The Conjuring... Halos magkasing sikat ang palikulang ito at ang bagyong Maring... Sa Facebook nga, kundi picture ng binaha eh mga posts na nanonood sila ng movie na ito.. Sa totoo lang, marami na ang nagsasabi na nadodownload na ang movie na'to pero mas pinili ko talaga na hintayin sya sa sine para mas F na F ang panunuod at ramdam na ramdam ko ang bawat hilakbot at takot. Kaya naman last week pa lang eh nanuod na kami nung advance screening.. Today, sa mismong bday ko at ng C.IN.E.MO, ang nationwide premier.. Eto na nga ang aking pananaw patungkol sa movie..

Story:

Ang movie ay umikot sa Perron Family at sa kanilang nilipatang bahay na ginagambala ng masasamang elemento.. Binubuo ang pamilya ng mag-asawang Perron at kanilang 5 na anak na babae.. 

Yes, pic ito ng tunay na Perron family dahil ang movie ay base sa totoong pangyayari.. Kaya lalong nakakatakot.. Humingi ng tulong ang mag-asawa sa kilalang paranormal investigators na sina Ed at Lorraine Warren na nagkocollect din ng mga possessed objects.. Isa na na dito ang nakakalokang manika na si Anabelle..

Ano ang magiging papel ni Anabelle sa movie na ito?? Ano ang gumagambala sa bahay ng mga Perron?? Matutulungan kaya sila ng mag-asawang Warren?? Sinu yang nasa likod mo?? Yan ang malalaman nyo kapag nanood kayo neto..

Cast:

Pinagbibidahan nina Patrick Wilson (na bida din sa Insidious) as Ed Warren at ni Vera Famiga (mula sa isa pang nakakalokang movie na Orphan) as Lorraine Warren.. Kasama nila sa movie si Lili Taylor (bida naman sa The Haunting) as Carolyn Perron.. Effective ang mga bida dahil na din siguro sa experience nila sa mga horror/suspense films.. Standout sina Vera at Lili bilang mga ina sila na nagpoprotekta sa kanilang mga anak.. Mahuhusay din yung mga batang nagsipagganap na Perron children.. Very innocent at realistic ang arte kaya nakakadagdag ng takot.. 

Baket nga ba ako nagandahan sa The Conjuring? Eh kasi naman nga, nandun yung takot na base ito sa totoong buhay.. Marami na akong napanuod na pelikula na may temang exorcism pero kakaiba toh dahil pamilya ang bida.. Maganda ang atake nila sa pananakot.. May part sa movie na Hide and Clap na talagang nakakaparanoid.. Kapag naaalala ko nga eh kinikilabutan ako... May mga part din na kahit na wala namang multo eh kikilabutan ka dahil sa galing ng mga arte... Marami na ngang nakapanuod neto sa dvd or dahil nadownload na pero worth it na panuodin sa sinehan... I swear!! 

All in all, kung trip nyo ang horror movies, siguradong maeenjoy nyo ito.. Magandang may kasama kayo kapag papanuodin nyo ito dahil nakakapraning talaga... Must see sa sinehan.. Yun na!!

Disclaimer: Ang mga pics sa blog na ito ay hindi ko pagmamay-ari at nakuha ko lang sa web.. Keri??

Acknowledgements:

Kay macko na nagmamanage ng blogsite ko, sa KFC at Baliwag Lechon sa aking lapez sa araw na ito at sa mga taong nakaalala at bumati sa bday ko.. Salamat sa inyong lahat.. 

Ano ang makikita sa C.IN.E.MO??

Welcome ulet sa C.IN.E.MO (Chicco's Independent Evaluation of Movies).

Anu nga ba ang makikita at lalamanin ng blog na ito? Well, simple lang naman.. Mababasa nyo dito ang aking mga nakita, naramdaman, narinig at minsan ay naamoy tuwing nanonood ako ng movies... 

Ang mga sumusunod ang magiging parte ng C.IN.E.MO:

#MovieTitle - syempre, sisimulan naten lahat sa title ng movie.. May hashtag talaga para madaling makita lalo na ng mga twitter followers...

Genre - Dito makikita kung ano ang tema ng pelikula na nireview ko.. Maaaring Comedy, Horror, Suspense, Thriller, Romance, Drama, Action, Porn (char!), Indie at kung anik-anik pa... Makikita din dito ang ratings ng MTRCB kung ang movie ba ay rated G, PG, R-13, R-16, R-18 at X para malaman kung pde ba kayong magsama ng mga junakis sa sinehan..

Chicco's Rating - we are going to rate the movies sa scale na 1 - 10, 10 being the highest.. Isasaalang-alang naten sa ratings ang ganda ng istorya at galing mga artista at direksyon.. Other factors affecting the ratings are the inflation rate, market price, value of Pi, square root of Sine and Cotangent of 345, and the GNP of the Philippines.. Nakakaloka ang computation diba?? Haha..

Introduction - maikling insights lang tungkol sa movie. Ang kinagandahan ng blog na ito ay super iniiwasan ko ang mga spoilers... Ayaw naten yan siyempre.. Sino ba naman ang gaganahan na manuod pa ng sine kung nabasa mo na namatay pala ang bida sa huli or ang bida pala ay nananagip lang or ang pinakamasaklap eh ang bida pala ay isang Diary. Hahahaha...

Story - dito mababasa ang summary ng movie, as in maikling summary lang ng mga importanteng facts about the movie, usually, kung ano lang ang naitrailer plus mga hanging questions pampasabik. 

Cast - ililista naten ang mga main characters at ang mga artista na nagsipagganap at tumatak dahil sa kanilang angking husay at talento. Personal favorite ko ang mga supporting casts na umangat at nagbigay kulay sa movie.

Chicco's Comments - eto na nga.. Dito makikita ang mga komentaryo ko patungkol sa movie, mga comparisons sa mga dating movies na may kaparehas na storyline at tema, mga puna, reaksyon, suhestiyon, at panlalait kapag feeling ko eh sinayang lang ng pelikula ang oras, pera at panahon ko. Sasabihin ko rin kapag sa pakiwari ko'y dapat talagang panuodin sa sinehan yung movie or hintayin na lang sa Cinema 1, HBO, Star Movies, Sunday's Best at Kapuso Blockbusters..Yun Na!!!

Ang susunod ko na post ay an movie reviews ko na ng #TheConjuring..Abangan!!! Sana, tulad ng dati kong mga posts sa Facebook at Twitter, eh makatulong ako sa inyo mga friends and family members.

  PS: Follow nyo ako sa Twitter please.. @chiccosonofzeus

Hanggang sa muli... Kitakits!!!

C.IN.E.MO ni Chicco

This is it! This is really is it!

Welcome to C.IN.E.MO (Chicco's Independent Evaluation of Movies)!

After ilang movie reviews na ginawa ko sa Facebook at Twitter, after libo-libong salapi ang nagastos, after kong pag-isipan ng matagal at due to insistent friends' demands, ETO NGA SYA!!!!

First and foremost, hindi talaga ako maalam sa paggamit ng computer maliban sa Facebook, Twitter at  syempre sa mga systems na ginagamit ko sa opisina. Kaya naman hindi talaga ako nakagawa agad ng Blog. Pero dahil nga maraming nang nakakapansin at nagrerequest na magblog na ako, eh eto nga sya..

Maraming maraming salamat muna sa lahat ng sumuporta sa mga reviews ko. Nakakatuwa dahil sinasabi nila na nakakatulong ang reviews ko para malaman nila kung anu ang worth it panuodin sa sine o dapat abangan na lang sa TV. Syempre nga naman, mas mabuti na informed tayo bago tayo gumastos sa sine para maiwasan din ang pagsasayang ng ating mga pinaghirapang pera.. Nagpasurvey pa ako kung anong magandang title ng Blog at eto na nga ang nanalo.. Cute naman dba? Again, maraming salamat sa inyo.. *tearyeye lol!

Baket nga ba ako nahilig na manuod ng sine? Well, sa trabaho ko bilang isang call center agent at sa kahit ano pang trabaho, dapat talaga eh magkaroon ng libangan kung hindi, maaaning-aning ka sa stress. Yung iba, shopping, parlor, spa, concerts, travels at kung anik-anik pa pero ako, mas narerelax ako kapag nanonood ng sine. Iba-ibang mundo, iba-ibang tao, iba't ibang pangyayari na malayo sa ginagawa mo araw-araw, yun ang nakukuha ko sa panunuod ng sine. Taray!

Well, from now on, mas sisipagan ko pa ang panunuod ng sine at pagrereview.. Ang ultimate goal ko eh sana dumating ang panahon na may makapansin ng reviews ko at mainvite sa mga libreng advance screenings, chuchoosy pa ba ako eh libre yun, ang laki ng matitipid ko dun noh! Haha. Tapos sana makakuha ako ng MTRCB Card para makapanuod ako ng sine for free whole year round... Well, magiging posible yan dahil na din sa tulong nyo mga friends and family members.. 

Sinakto ko talaga ang launch ng blog na ito sa birthday ko. Sa lahat ng babati, please share this Blog of mine sa mga walls nyo.. Parang gift nyo na lang saken.. Paki-build up na din ako... hahahahha.. Please.. Thanks in advance...

Ayun na nga! Hope you enjoy this humble blog.. Check it regularly at malay nyo, makatulong toh sa inyo!

Yun na!!!!