#Bekikang

Genre: Comedy, Family Drama

MTRCB Rating: PG13 (Pwede jumoin force sa sinehan ang mga batang may edad na 13 yrs. old pababa basta may kasamang thunders.)

Chicco's Rating: 7.5302/10

Wala munang masyadong chika!!! Eto na ang movie review ko ng Bekikang!!! Go!!!

Story:

Ito ay kwento ni Bekikang, Beks for short, isang pangkaraniwang bading na solong tumataguyod sa kanyang pamilya sa pamamagitan ng pagbebenta ng BALOOOOOOOOOT (isigaw with full emotions)!!!! Bata pa lang sya ay alam na nya na siya ay bading ngunit masaya naman sya dahil tanggap sya ng kanyang ama. Lumaki sya kasama ang kanyang bestfriend na babae at mga kaibigang mga beki din na magbabalot!! Makikilala ni Beks si Fortune, isang poging lalaki.. Syempre pa, maiinlove ang ating bida... Ngayon, baket "Nanay kong beki" ang subtitle ng pelikula?? Magkakaanak ba si Bekikang at Fortune?? May matres ba si Beks?? Fantaserye ba ito??? Well, yan ang malalaman nyo kapag pinanuod nyo ang movie na itechiwa!!! Go push na sa mga sinehan!! 

Cast:

Pinagbibidahan ni Joey Paras as Bekikang. Well, unti-unti nang gumagawa ng pangalan si Joey Paras sa movie industry ng bansa... Nagsimula sya as support ng mga batikang komedyante tulad ni Ms. Aiai Delasalas sa Sisterakas at Ms. Eugene Domingo sa MomZillas.. Dahil narin siguro sa galing nya sa comedy ay napansin sya agad at nagkaron ng sarili nyang pelikula.. Mahusay din sya sa drama dahil isa sya sa bida ng Babagwa, isang patok na entry sa nakaraang Cinemalayà Film Festival kung saan nanalo sya as Best Supporting actor sa naturang festival. Sa movie na ito, mas napahanga ako ni Joey as a drama actor kesa sa pagiging comedian.. Syempre may mga eksenang nakakatawa pero yung part na dramahan eh juice ko pong pineapple, napaiyak nya ako talaga... Gujab ka teh!! Samantala, ilan sa mga supporting casts eh nagperform din ng naaayon sa kani-kanilang talent fee... Anu daw?? Unahin na natin si Tirso Cruz III bilang ang maunawaing tatay ni Bekikang. Omg!!! Nakakagalit ang husay ng beteranong aktor na ito.. Kung makaarte sa simula pa lang ng pelikula eh kala mo entry sa Film Fest ang movie na ito... No wonder, hanggang ngayon eh active at visible pa rin sya sa TV at films dahil ang husay nya talaga.. Winner ka Pip!!! Ang mga stand-up comedians naman na sina Lassie at Atak ay gumanap bilang mga beking magbabalot. Infer, may mga moments sila na funny pero minsan eh bordering na sa kaOAyan ang way nila ng pagpapatawa. Wala na akong maisip na positive comments... Sorry po!! Si Nikki Valdez naman ang best friend ni Bekikang. Dati pa ako bilib sa akting skills ni Nikki. Hindi lang talaga nabibigyan ng break at medyo napagiwanan na sya ng mga kasabayan nya.. Pero sa movie, galing-galingan din si ate! Si Tom Rodriguez naman si Fortune, ang love interest ni Bekikang.. Infernes kay Tom, malayo na ang narating ng batang ito after nyang maforce evict sa Pinoy Big Brother dahil sa pagiging bayolente! Ngayon, isa na sya sa pinakasikat na male lead stars ng GMA7 dahil sa katatapos lang na Bekiserye na My Husband's Lover.. Sa movie, epek na epek pa din ang mapupungay nyang mata at masasabi ko na nagimprove na talaga ang akting nya. Other supporting casts includes Carla Humphries na hindi pangChannel5 ang akting, meaning katanggap-tanggap at maayos, Si Rubi-rubi na nakakatawa din talaga at si Malou De Guzman na effective as wicked step mother ni Bekikang. Hitik din sa cameo roles ang movie na ito! Makikita dito sina Andi Eigenman, Iza Calzado, Dingdong Dantes, Janice De Belen at si Ms. Maricel Soriano.. Taray diba???

Well, baket ko nga pinanuod ang movie na ito?? Unang-una, si Direk Wenn Deremas ang gumawa at kwentong buhay nya daw ito. Since fan na ako ng mga GV GV lang na pelikula na ginawa nya dati eh kala ko ganun din ang levelling ng movie na ito. Tulad ng sabi ko, nakakatawa naman in some parts pero mas naantig ang puso ko at mas napaiyak ako kesa sa napatawa ako ng Bekikang. Naalala ko tuloy ang unang Tanging Ina movie na sobra din akong napaiyak nung part na tungkol sa pagmamahal ng magulang sa kanyang anak. Sa movie na ito, dahil na din sa effective na pagganap ni Joey paras eh napaiyak muli ako. To be honest, hindi na bago ang storya ng movie at ilang libong beses na nagamit sa TV at pelikula pero ayun na nga, nakakaiyak pa din.. Siguro, dahil na din yan sa likas na pagiging mapagmahal nating mga Pilipino sa ating mga pamilya... Ayun na!!!

All in all, kung gusto nyo ng isang movie trip na hindi na kinakailangan ng matinding pagiisip habang nanunood kayo eh tiyak maeenjoy nyo ang movie na ito.. Again, hindi kasing bongga ng mga naunang comedy films ni Wenn Deramas pero panalo naman sa puso at aktingan!!! Kaya push nyo na yan at manuod  na kayo sa inyong mga suking sinehan!! Yun na!!!

Disclaimer:

Ang mga pics sa blogsite na ito ay hindi ko pagmamay-ari at nakuha ko lang sa web. Keri??

Acknowledgement:

SM City Naga Cinemas (dahil P130 lang ang sine)

Macko

Mang Inasal

To the lovely people of Caramoan

#ShesTheOne

Genre: Romance, Comedy (very very light lang)

MTRCB Rating: PG13 (May mga eksenang hindi angkop sa mga batang manonood na may edad na 13 yrs. old pababa kaya Patnubay ng mga Gurangers ay kailangan!)

Chicco's Rating: 8.908/10

Well, well, well!!! Nagbabalik ang #CINEMO... Siyempre pa, hindi dapat natin palampasin ang isa nanamang handog ng Star Cinema sa kanilang ika-20 years na anibersaryo.. Antaray diba??? Hindi maubos-ubos ang handog nila... More handog, more fun!! Well, eto na nga ang She's The One... Tulad na din ng mga naitrailer na eh ang movie ay may tema na pag-ibig na nagsimula sa pagiging magbestfriend!! At siyempre pa, countdown muna tayo nga Top 3 films na may ganitong tema na pumatok sa takilya:

1. Labs Kita, OK Ka Lang??

- Sino ba naman ang makakalimot sa mga linyang, "Oo, bestfriend mo lang ako.. And I made the biggest mistake of falling in love with my bestfriend..." ni Bujoy played by Jolina Magdangal na sinabi nya kay Ned played by Marvin Agustin.. Ilang libong beses na ata naipalabas 'to sa Cinema One pero hindi pa din nakakasawa.. Aminin nyo yan sa mga puso niyo!!!

2. My Bestfriend's Wedding

- Siyempre pa, hindi naten makakalimutan ang I Say A Little Prayer (For You) na soundtrack ng pelikulang ito na isa sa mga pinakasikat na movies ni Julia Roberts sa papel na Julianne, isang restaurant critic na nainlove sa kanyang bestfriend na malapit ng ikasal.. Eto rin ang isa sa mga unang films ni Cameron Diaz... Ayan oh.. Jugets pa sila!!! Taray!!!

3. Paano Na Kaya?

- Eto naman ang recently lang na bumenta sa dami ng miyembro ng KimErald!!! Non-Goverment Organization na ata sila sa dami ng members.. Kaloka!! Winner ang linya ni Mae, played by Kim Chiu, sa kanyang bestfriend turned syota na si Bogs, played by Gerald Anderson... "Sana lumayo ka na lang. Eh kaso, syinota mo ako eh! Syinota mo ang bestfriend mo..." Bongga!!!

So eto na nga!!! Ano naman kaya ang paandar ng sure-hit movie na She's The One?? This is it!!

Story:

Ito ay kwento nina Cat, Wacky at David... Si Cat ay isang 28 yrs old na dalaga na may-ari ng isang Laundry shop at bread winner ng pamilya. Bestfriend nya si Wacky, isang babaero at sikat na morning show host na magdidiwang ng kanyang 30th birthday.. Sampung taon na silang matalik na magkaibigan pero umaasta silang magjowa na pinagpipilitan namang mangyari ng kanilang mga kaibigan.. Narealize ni Cat na matagal na pala nyang mahal si Wacky pero ayaw naman niyang masira ang kanilang bestfriendship.. Samantala, sa isang maulang gabi ay nasiraan ng sasakyan si Cat. Sakto naman na napadaan si David, isang poging-pogi, sariwa at 20 years old na binatilyo... Nabighani sya kay Cat na nagkukumpuni ng kanyang sasakyan pero natorpe naman sya na kilalanin ang babae kaya vinediohan nya na lang ito at pinangalanang The Girl in the Rain... So.... Panu kaya magkakatagpo ulet si David at ang kanyang Girl in the Rain? Magiging magsyota ba sina Cat at Wacky o sina Cat at David ang magkakatuluyan? Infernes diba, kakaibang love triangle.. Alamin ang kasagutan sa sinehan.. Showing na!!!

Cast:

Pinangungunahan ng bonggang-bongga si Bea Alonzo as Cat.. Ewan ko nga ba kung anu ang problema ng mga major award-giving bodies ng Pilipinas at hindi pa nananalo ng Best Actress award ang babeng ito?? Hellllerrrrr!!! Kamusta naman ang akting nya sa One More Chance, Sa'yo Lamang, The Mistress at 4 Sisters and a Wedding?? Anu pa ba ang gusto ng mga jurors?? Wow!! Jurors talaga?? Well, sa movie na ito ay ipinakita nya na naman ang kanyang husay sa pag-arte.. Believable sya as 28 yrs old kahit sa totoong buhay eh 25 lang sya.. Naalala ko tuloy ang role nya as a 21 yr old Atty. Katrina Argos sa teleserye na Kay Tagal Kang Hinintay nung 15 yrs old pa lang sya.. Sa movie na ito, napakafresh nya lang!! Parang bagong pitas na apple!! Wow!!! Bumagay ang freshness nya kay Enrique Gil at bumagay naman ang maturity ng akting nya kay Dingdong Dantes!!! Speaking of the leading men, hindi naman sila nagpahuli sa aktingan, Si Enrique as David at Dingdong as Wacky. Kay Enrique muna tayo.. Kung may Most Adorable award eh sya na ang winner.. Napacute ng batang ito at parang ang bango bango.. Ansarap alagaan, ibalot sa bulak at paramihin!! Anu yan?? Kisses??? Well, ang hyper nya sa movie at saktong sakto ang akting nya bilang isang batang nainlove sa isang nakatatandang babae. I can't think of somebody else na bagay sa role!! Good job ka boy!! Dumako naman tayo kay Dingdong na peborit ngayon ng Star Cinema.. Aminin naten na si Dingdong ang isa o nagiisang lead male stars na produkto ng GMA7 na nakakaarte ng tama... Pasintabi po sa mga Kapuso pero totoo!!! Kaya naman sa huling dalawang taon eh nakakuha sya ng Best Actor awards sa pelikulang Segunda Mano at One More Try... Sa movie na ito, masasabi ko hindi naman sya natabunan ni Bea at talagang nakakadala ang mga eksena na kasama sya.. Feeling ko, madami pa ang magiging pelikula nya with Star Cinema dahil maayos naman sya magtrabaho base na din sa mga leading ladies nya... Samantala, very very light naman ang kumabog sa support casts.. Mga hindi masyadong pansinin, at mga hindi masyado kilala.. Ang tumatak lang saken eh si Maricar Reyes at ang prettyng bata na si Liza Soberano.. Yun na!!! The rest, thanks for joining the film... Mabuhay kayong lahat!!

Well, masasabi ko na matagumpay ang pagsasanib pwersa na ito ni Bea, Dindong at Enrique.. Sakop ang fans ng ni Bea sa ABS-CBN 2, ang mga followers ni DingDong GMA 7 at ang mga batang fans na ka-age bracket ni Enrique.. Mahusay ang direksyon ni Mae Cruz na bihasa na din sa mga ganitong tipo ng mga films... Tiyak naman na makakarelate ang karamihan dahil syempre, ang focus ng storya ay isa sa mga Core Values of Humanity na LOVE!! Tama ba yun Megan Young?? Anyways, hindi man kasing ganda ng One More Chance na naging basehan ko na ng isang magandang Romantic Film, eh hindi na din talo kung papanuodin nyo ito sa sine... Hindi masyadong seryoso, hindi rin naman corny, sakto lang!! Yun na!!!

All in all, must see ito sa sinehan.. Isama nyo na ang mga juwa nyo at ang mga bestfriend nyo na gusto nyong syotain para magkaalaman na after ng film!!! Go!! Push!!! 

Disclaimer:

Ang mga pics sa blog na ito ay hindi ko pagmamay-ari at nakuha ko lang sa web... Pahiram lang!! Wag tayo magdamot!! 

Acknowledgements:

Cash and Carry Cinemas

Macko and Alex

Taters

Jollibee, Bida ang Saya

#KungFuDivas

Genre: Action, Comedy, Family Drama

MTRCB Rating: PG13 (Patnubay ng mga thunderbolts ay kailangan ng mga jugets na manonood na may eded 13 y/o pababa!)

Chicco's Rating: 8.8223/10

Without further ado, I give you my movie review of Kung Fu Divas na isa na namang handog ng Star Cinema sa kanilang ika-20 years na anibersaryo!! (Wala munang masyadong hanash (chika) dahil nauupset ang stomach ko na nakakaapekto sa brain cells ko!!)

Story:

Magsisimula ang kwento kay Charlotte, isang simpleng babae na may kahabaan ang pez na naghahandang sumali sa isang prestihiyosong beauty pageant, ang Hiyas ng Dalampasigan 2013. Siya ay galing sa pamilya ng mga beauty pageant title holders, ang kanyang ina, ama at dalawang kapatid na babae. Bata pa lang si Charlotte ay sumasali na sya sa mga contests pero laging Lotlot de Leon (talo) at special award lang ang kanyang nakukuha tulad ng Miss Courage!! Hahahahhahaha... Anu bang award yun??? Dahil sa pressure ay kinakailangan na nyang manalo sa paparating na patimpalak dahil na din sa kanyang edad. Full support naman ang kanyang pamilya sa lahat ng sinasalihan nya. Sa gabi ng pageant, habang kahilera nya ang ibang kandidata na literal na mukhang mga napadaan lang, eh lumakas ang chance ni Charlotte na manalo. But, may isang babae na biglang sumulpot, ang mala-diyosa at talaga nga namang pak na pak na si Samantha. Sa pagdating ni Samantha sa bayan nila Charlotte ay magugulo ang kanilang mga buhay-buhay, malalaman na may konek sila sa isa't isa at kailangan nilang magtulungan para sa nakaambang panganib na dala ng kanilang nakaraan.. Wow!!! Anu ang konek nila sa isa't isa?? Sino ang nanalo sa pageant?? Baket Kung Fu Divas ang title at hindi Pagent Divas?? Well, thank you for those wonderful questions but I believe that you will get the answers once you see the movie... Thank you and good evening Las Vegas!!! (Anu daw???)

Cast:

Pinagbibidahan ni Ms. Ai-ai Delas Alas at Ms. Marian Rivera na tumayo ding mga producers ng movie na ito... Well, kabisado na natin lahat si Ai-ai.. Alam naten na kapag siya ang bida eh sure hit at siguradong nakakatawa.. Sa movie na ito ay pinakita nya ang husay nya hindi lang sa pagpapatawa pero pati na din sa drama.. This is why I love her... Aminin naman naten na kapag comedian ka eh ang hirap seryosohin kapag umiiyak na pero kapag si Ai-ai ang gumawa eh nakakaiyak talaga.. Sinu ba naman ang makakalimot sa mga moments nya sa Tanging Ina series diba?? Sa movieng ito, may monent din sya na saktong-sakto ang emosyon at believable sa kanyang character na si Charlotte... Samantala, sa unang pagkakataon ay nagkaroon na din ng pelikula si Marian Rivera with Star Cinema... Sa wakas at magkakabox-office na ulit sya after ng 2010 movie nya with Dingdong Dantes na You To Me Are Everything na kumita ng over P101M. Flop kasi ang last movie nya na My Lady Boss na ayon sa third party tabulator na Box Office Mojo ay kumita lamang ng humigit' kumulang na P20M considering na sila ni Richard Gutierrez ang bida.. Well, good move naman kay Marian at nagdecide na sya na makitie-up kay Ai-ai at sa Star Cinema.. Patungkol naman sa performance nya sa movie, infer, nakasabay naman sya kay Ai-ai.. Actually, may mga eksena nga na parang mas naover-power nya ang Comedy Queen na hindi ko alam kung good point or bad point yun.. Isa din si Marian sa mga stars na may kahusayan sa Comedy at Drama.. Parang Maricel Soriano ang peg nya na mataray na kayang magdramedy!! Sa movie na ito, parang kapag may eksena siya eh mapapasabi ka na lang na, "Nakakainis!! Ang ganda ni Marian!!!" Hahahhahah... Goodluck sa kanya at sana ay hindi ito ang last movie nya with Star Cinema.. Samantala, kabog ang mga supporting casts sa pangunguna ni Edward Mendez na 90% ng movie ay nakahubad-baro (topless), nakaputing sweat pants at bakat na bakat si junjun binay!!! Feeling ko nga may sariling talent fee si junjun na dahilan naman para malaglag ang panty ng mga babae sa bayan nila Charlotte... Bidang-bida si junjun lalo sa ending credits na halos sa kanya nakafocus ang camera.. Nakakaloka!!! Standout din ang mga beauty queens na sila Precious Lara Quigaman, Bianca Manalo at Ms. Gloria Diaz as family ni Charlotte.. Welcome back naman kay Roderick Paulate na effort din sa movie na ito!!! Yun na!!!

Well, nakakatawa ang movie na ito lalo sa part nung Pageant na may kakaibang talent portion.. Maganda din ang pagkakalahad ng back story at values ng pamilya at pagtanggap sa sarili... Habang patagal naman ng patagal ang movie eh medyo nagconcentrate na sila sa pagpapakita ng bonggang effects na mala-300 ang peg kaya medyo nawala na ang comedy parts.. Ikinalulungkot ko mang sabihin pero may eksena sa bandang huli na nakakaantok... Sana lang ay nabalanse pa din ang comedy at action all througout this wonderfully crafted film.. Gumaganern??? Hahhahah... Yun na!!!

All-in-all, worth it pa din naman na panuodin sa sinehan dahil pinghandaan ang movie at hindi tinipid sa production kaya mafifeel nyo naman na hindi sayang na maglalabas kayo ng pera.. Kudos sa direktor na si Onat Diaz... Sana lang eh nagconcentrate din sa movie na ito ang Star Cinema sa pagpopromote dahil habang palabas pa ito eh mas marami pa din ang ads nila ng MomZilla at ang highly anticipated na She's The One... History naman na maituturing na may big star na nag-ober-da-bakod from 7 to 2 para gumawa ng ganitong pelikula na feeling ko ay dapat ginagawa madalas para mas madami ang manood since naipipromote ang movie sa dalawang malaking channels.. Ang winner sa ending ay ang pelikulang Pilipino!!! Yun na po!!!

Disclaimer:

Ang mga pics sa blogpost na ito ay hindi ko pagmamay-ari at nakuha ko lang sa web... Nastress pa din ako sa pic na ito ni Edward Mendez... Juice ko pong pineapple!!!

Acknowledgements: 

Macko, Alex and MJ

Mini-Stop

Auxbeat Dance Company

Team Carissa of PLM Tugon-RESQUE

Central BBQ Boy Grill

#SanaDati

Genre: Romance, Drama, Indie

MTRCB Ratings: PG (Patnubay ay kailangan sa mga jugets na manonood!)

Chicco's Rating: 9.99/10

Well, nagbabalik ang #CINEMO.. Kapag talaga nakakapanuod ako ng matitino at makabuluhang mga pelikula eh napapablog talaga ako.. At eto na nga... Minsan lang ako mapabilib ng mga Romantic films... Kasi ba naman, karamihan eh pare-pareho na lang ang storya: "mahirap si lalaki, mayaman si babae" o kaya "may kabit si lalaki, si babae naman eh kabit din pala ng ibang lalaki"! Ganern!! Ulit- ulit lang.. Minsan nadadaan na lang sa promotion kaya kumikita. Samantala, ilan sa mga paborito kong mga movies na nag-paibig at nagpaluha sa akin ay ang My Sassy Girl (yung Korean ha, hindi yung remake ng US), ang A Walk to Remember at If Only, at syempre pa hindi papahuli si Popoy at Basya ng One More Chance. Again, may kakaibang istorya, may sense at makakarelate ang bawat pusong nagmamahal!!! Wooooow!!! 

Eto na nga!! Sinipag ako ulit magblog after ko mapanuod ang pelikula na ating irereview, ang Sana Dati.. Background lamang po ulit... Isa ang movie na ito sa mga pinalakpakang pelikula sa nakaraang Cinemalayà Independent Film Festival kasabay ng Ekstra ni Ate V at Instant Mommy ni Uge.. Well actually, big winner ang movie na ito na nag-uwi ng 8 awards kabilang na ang Best Film sa Director's Showcase, Best Director at Best Supporting Actor awards... Uunahan ko na kayo, deserve na deserve nila... Sa katunayan, kahit napanuod ko na ito noong original run nung Film Fest, pinanuod namen sya ulet ngayon na pinapalabas na sya sa mas maraming sinehan nationwide... Anu nga bang meron sa movie na ito at mataas ang ibinigay kong rating?? Well, eto na nga!!!

Story:

Magsisimula ang istorya kay Andrea at Andrew, isang simpleng magkasintahan na nagpaplanong magtayo ng isang flower shop. Habang tinitignan ang puwesto ng kanilang magiging negosyo, nasurpresa si Andrea sa simple at sweet na engagement proposal ni Andrew. Samantala, sa isang hotel, abala ang lahat sa pagaayos ng kasal. Dumating ang videographer na si Dennis para icover ang wedding nila Andrea at Robert.. Tama!!! Andrea at Robert Nuptials... Sa pagdating ni Dennis, mabubulabog at mededelay ang kasal dahil biglang mawawala si Andrea... Sino si Dennis sa buhay ni Andrea?? Baket si Robert ang groom at hindi si Andrew?? Mahahanap ba nila ang nawawalang si Andrea at may matutuloy bang kasalan?? Maliliwanagan kayo kapag punanuod nyo ang pelikulang ito!!!

Cast:

Pinagbibidahan ni Ms. Lovi Poe sa papel na Andrea. I must say, bilib ako sa kanya sa akting nya sa mga pelikulang Temptation Islands at Yesterday, Today and Tomorrow pero after watching this movie, I became a fan.. Naniwala ako na siya si Andrea, yung babaeng ikakasal at naguguluhan sa mga nangyayari sa buhay nya. Very effective at makatotohanan ang pagganap.. In other words, perfection!!! Samantala, ang tatlong lalaki sa buhay ni Andrea na sina Robert, Dennis at Andrew ay ginampanan nina TJ Trinidad, Paulo Avelino at Benjamin Alves respectively... Si TJ Trinidad ang itinanghal na Best Supporting Actor sa kanyang natatanging pagganap bilang isang mayamang politician na umibig at magpapakasal kay Andrea. Siyempre naman, hindi naman sya siguro mananalo kung puchu-puchu ang akting nya diba?? Actually, bagay na bagay ang role sa kanya. Ang husay nya sa part nung nagdadalawang-isip sya kung itutuloy pa ang kasal. Again, makatotohanan.. Winner!! Si Paulo naman ay bihasa na sa mga Indie films at mas nahasa na ang akting dahil sa mga teleserye nya.. Sa movie, may heavy drama sya na hindi nalalayo sa akting nya as Nathan or yung baliwag na kapatid ni Coco sa Walang Hanggan. Yun lang ang problema ko ng very very light.. Parang wala ng difference minsan yung mga arte nya. Parang pangbaliw na lang lahat. Pero sa movieng ito, forgivable naman sya.. Choosy pa ba tayo, Si Paulo na yan!! Pde ba!!! Lastly sa main cast ay si Benjamin Alves na sinurpresa ako ng bongga dahil sa kanyang acting prowess.. The most memorable scenes ay galing or parte sya at masasabi kong malayo ang mararating na batang ito na kaloka-like ni Papa P at Joem Bascon.. Related ata silang tatlo.. Well, kung gayun, ang magaling na pagarte ay nasa angkan na nila.. Gujab... Lahat, as in lahat ng support casts ay nagperform din ng maayos... Walang talagang maliit na role sa mga artistang magagaling umarte at lahat sila dito, bida man or supprot eh mahuhusay nagampanan ang kani-kanilang parts... Mabuhay kayong lahat... Ayun na!!!

So anu nga ang naramdaman ko after ko manuod ng movie?? Well, in love... In love sa story, sa characters at way kung panu sya ikinuwento. Sa simula, magulo pa ang istorya pero dahil sa galing ng pagkakatugma at pagkakaedit ng movie eh masasabi ko na isa ito sa may pinakamatalinong way ng pagpapahayag ng istorya.. Mahusay ang director na si Jerrold Tarog na ginawa pa ang kwento seven years ago... Salamat naman at naging pelikula sya... Magaling na nailahad ang kwento ng bawat characters, maayos na naiparamdam sa manunuod kung ano ang hinihingi ng isang scene. May part kasi na nabore ako sa paghihintay ng kasal.. Narealize ko na yun exactly ang nararamdaman nung mga gumanap na mga friends at family na umattend ng kasal.. Gujab ulet!!! 

All in all, minsan lang ako magrecommend talaga at itong movie na ito ay certified #MustSee!!! Masasabi ko na this is one of the best indie films ever!! Congrats!!! Kung may time kayo this week, go na at panuodin to... Sana maenjoy nyo din... Yun na!!

PS: Goodluck sa Sana Dati na namamayagpag na din sa mga International Film Festivals tulad ng Busan at Hawaii Film Fest..

Disclaimer:

Ang mga pics sa blog na ito ay hindi ko pagmamay-ari at nakuha ko lang sa web... Pero ang pic sa baba, akin yan!!! Obvious ba????

Acknowledgements:

Macko and Alex

NY Fries and Dips

Special Thanks to:

Miss Lovi Poe

Benjamin Alves

Director Jerrold Tarog

#InsidiousChapter2

Genre: Suspense, Horror, Thriller, Nakakaloka!!!!

MTRCB Rating: R13 (Ang pwede lang manuod sa sine ay ang may edad na 13 yrs. old pataas.. Kung ako ang tatanungin, hindi keri ng mga bata ang movie na ito.. Nakakaloka!!!)

Chicco's Rating: 9.98/10

Nasabi ko na ata dati na sobra akong matatakutin pero sobra ko ding hilig sa mga horror films.. Parang tanga lang diba?? Yung after kong manuod eh mapaparanoid ako tapos magiimagine ng mga bagay-bagay tapos mahihirapang matulog. Yan ang dala sa akin ng isang magandang Horror Films.. Alam namen naten na ang pinakamagagaling gumawa ng Horror films eh ang Japan, Thailand at US. Ilan sa mga all time favorite kong mga horror films ay ang Coming Soon, The Grudge at ang Paranormal Activity series except sa huling part na ang chaka na ng pagkakagawa. Kung may time kayo, try nyo yung Coming Soon, talagang warla ang movie na yan..

Eto na nga! Isang horror film na naman ang talaga nga namang kumatok sa puso ko ng bongga at hindi pinatahimik ang katawang lupa ko. Ang Insidious. Ang Chapter 1 ay ipinalabas noong April 2011. Ayon sa aking research, halos $1.5M lang ang budget ng naturang pelikula ngunit tumabo sila sa takilya ng halos $100M sa kanilang worldwide release.. Taray!! Tubong lugaw diba? Well, deserve naman dahil simple ang atake ng movie sa pananakot pero nakakakilabot talaga. Dahil na nga sa pumatok ang unang movie eh nasundan nga ito ng isa pang Chapter. Yaman din lamang na malaki ang kinalaman ng naunang movie eh minabuti ko na ipaalam sa inyo ang buod ng Chapter 1 para mas mafeel nyo ang pangalawang movie. Recollection na din ito sa mga taong nakapanuod na nung first movie. So eto na nga:

Umikot ang storya sa pamilya ni Josh at Renai Lambert na bagong lipat sa isang bahay kasama ang tatlo nilang anak, dalawang batang lalaki at isang baby girl. Si Dalton, panganay nilang anak, ay nakatulog isang gabi at hindi na nagising. Isinugod sya sa ospital at sinabi lang ng doktor na siya ay nacomatose. Iniuwi na lamang siya sa kanilang bahay nila Josh at Renai. Nagsimula na nga ang mga nakapanghihilakbot na pangayayari sa kanilang bahay. May demonyo , may mga multo at mga iba pang elemento ang gustong pumasok sa katawan ni Dalton. Humingi ng tulong ang lola ng mga bata na si Lorraine sa kanyang kaibigang si Elise na may alam patungkol sa mga paranormal activities. Sabi ni Elise na may kakayahan si Dalton na magastral project o maglakbay ang kaluluwa neto habang siya ay tulog at feeling nya na malayo na ang narating ni Dalton kaya nahihirapan na syang makabalik. Maaari daw na napadpad si Dalton sa "the Further" kung saan naglipana ang mga kaluluwa ng mga yumao na naguunahang makakuha ng katawan para makabalik sila na buhay. Eto na nga ang gusto ng mga elemento, ang gamitin ang katawan ni Dalton para makabalik. Samantala, naikuwento naman ni Lorraine at Elise na si Josh din ay may kakayahang magastral project. Pumayag si Josh na sumailalim sa isang trance para makatulog sya ang hanapin ang kaluluwa ng anak. Nahanap nya naman si Dalton na nakakadena sa isang room na binabantayan ng isang demonyo. Nakatakas sila at nakabalik sa kanilang katawan. Habang kinakausap ni Elise si Josh para tanungin sa mga nangyari, nakunan nya ng litrato si Josh at nagulat sa kanyang nakita. Agad naman siyang pinatay ni Josh. Nagtapos ang movie na nagiimply na hindi si Josh ang nakabalik kundi ang isang babaeng nakablack na wedding gown na simula bata pa lang si Josh eh gusto ng makuha ang kanyang katawan.. Ayun na nga!!! 

Ngayong alam nyo na ang background ng movie, eh mas maiintindihan nyo na kapag pinanuod nyo ang Chapter 2. Eto na nga ang masasabi ko sa movie na showing na sa inyong mga suking sinehan. BABALA: Nakakaloka!!!

Story:

Nagsimula ang movie sa taong 1986 kung saan nanghingi ng tulong si Lorraine Lambert sa mga kaibigan nitong mga paranormal experts na sina Carl at Elise para tulungan ang kanyang anak na si Josh dahil siya ay ginagambala ng isang espiritu ng babaeng nakablack na Bridal Gown na laging nakasunod kay Josh sa mga litrato. Minabuti ng grupo na isupress ang memory ni Josh at makalimutan na nya na magastral project. Samantala, sa kasaluluyang, eh iniimbistigahan pa rin ang pagkamatay ni Elise na ibinibintang kay Josh. Lumipat na ng bahay ang mga Lambert ngunit tuloy pa din ang mga nakakakilabot na pangyayari. Minabuti ni Lorraine na humingi muli ng tulong kay Carl at sa dating mga assistant ni Elise para isolve ang mga bagay-bagay na nangyayari sa mga Lambert. Ano nga kaya ang gumugulo ulit sa mga Lamberts? Nakakapaglakbay pa din kaya ang mga kaluluwa nila Dalton at Josh? Sino ang Black Bride at ano ang pakay nya sa pamilya? Saan hahantong ang tagpong ito?? Minahal kita pero ako'y ginago mo!! (Stupid Love!!!) Yan at marami pang mga bagay ang maliliwanagan kayo kapag pinanuod nyo ang, again, nakakalokang movie na ito!! Hmpft!!

Cast:

Pinagbibidahan nila Rose Byrne as Renai Lambert, Patrick Wilson as Josh Lambert at Barbara Hershey as Lorraine Lambert. (Well, hindi kasama sa movie at beking si Adam Lambert..) Si Rose ay very active lately sa mga Hollywood films.. Kasali sa sya mga movies na Bridesmaids, X-Men First Class at The Internship. As Renai sa Insidious, very effective ang Aussie actress na ito. Very motherly at makatotohanan ang pagganap niya dito sa movie.. Si Patrick naman ay medyo bihasa na genre na horror.. Siya din kasi ang bida sa The Conjuring na pumatok din sa takilya.. Pero sa movie na ito, i so swear, x10 ang acting nya!! Grrrrrr!! Samantala, si Barbara naman ay isang batikang aktres na din, actually 50 years na sya sa business at isa sa mga sikat nyang films ay ang The Black Swan. Oscars nominated best supporting actress na din sya. Sa movieng ito, karamihan eh kasali sya sa mga most scaring parts.. Kakilabot kapag naaalala ko.. Yung mga ibang casts eh mahuhusay din tulad nung mga batang Lamberts na inosente kaya lalong katakot kapag nanjan na ang mga mumu.. May comedic relief din paminsan mula naman sa mga nagsipagganap na assistant ni Elise.. Yun lang!

Well, let me stress again na nakakaloka ang film na ito kaya feeling ko eh hindi talaga sya keri ng mga batang manunuod.. Ewan ko kung mas nakakatakot kesa sa Chapter 1 pero solid ang mga sigaw ko dito. Napakagaling ng pagkakatahi ng istorya. Isa sa mga pinakanakakatakot na part eh yung kapag pinapakita yung title ng movie with matching sound effects... Nakakakapal ng batok.. Kainis!!

All in all, since weekend pa naman eh i strongly recommend this na panuodin nyo sa sinehan.. May mga nagsasabi kasi na chaka daw at hindi gaano nakakatakot pero kapag tinanong mo naman, sa pirated dvd lang pala nanood.. Nakakagalit!! Dapat sa sinehan para buong buo ang experience... And i assure you, hindi kayo magsisisi!! Yun na po!!

Disclaimer:

Ang mga pics sa blogsite na ito ay hindi ko pagmamayari, nakuha ko lang sa web at wala akong balak na angkinin.. Sige nga, kayo nga, iprofile pic nyo to!!

Acknowledgements:

Macko and Alex

Cash and Carry Cinemas

Taters

Reyes Barbeque

Nike

Bench